ബ​ര്‍​ലി​ന്‍: ജ​ർ​മ​ൻ ചാ​ൻ​സ​ല​ർ ഫ്രെ​ഡ​റി​ക് മെ​ർ​സ് ചൊവ്വാഴ്ച ​ത​ന്‍റെ 70-ാം പി​റ​ന്നാ​ൾ ആ​ഘോ​ഷി​ച്ചു. നി​ല​വി​ൽ യൂ​റോ​പ്യ​ന്‍ യൂ​ണി​യ​നി​ലെ 27 രാഷ്‌ട്ര​ത്ത​ല​വ​ൻ​മാ​രി​ൽ ഏ​റ്റ​വും പ്രാ​യം കൂ​ടി​യ ആ​ളാ​ണ് മെ​ർ​സ്.

യു​ദ്ധാ​ന​ന്ത​ര ജ​ർ​മ​നി​യു​ടെ ആ​ദ്യ ചാ​ൻ​സ​ല​റാ​യി​രു​ന്ന കോ​ൺ​റാ​ഡ് അ​ഡ​നൗ​വ​റി​ന് ശേ​ഷം 70-ാം വ​യ​സിൽ പദവിയിലിൽ ഇരിക്കുന്ന ആ​ദ്യ ചാ​ൻ​സ​ല​ർ കൂ​ടി​യാ​ണ് മെ​ർ​സ്. 1949-ൽ 73-ാം ​വ​യ​സിൽ ചാ​ൻ​സ​ല​റാ​യ കോ​ൺ​റാ​ഡ് അ​ഡ​നൗ​വ​ർ 87-ാം വയസു വ​രെ പദവിയിൽ തു​ട​ർ​ന്നി​രു​ന്നു.

ജ​ന​പ്രീ​തി​യി​ൽ നേ​രി​യ ഇ​ടി​വ് സം​ഭ​വി​ച്ചെ​ങ്കി​ലും മെ​ർ​സി​ന്‍റെ പ്രാ​യം അ​ദ്ദേ​ഹ​ത്തി​ന്‍റെ ഭ​ര​ണ​ത്തി​ന് ഒ​രു ത​ട​സ​മാ​യി ആ​രും കാ​ണു​ന്നി​ല്ല. ഫോ​ർ​സ പോ​ളിംഗ് ഇ​ൻ​സ്റ്റി​റ്റ്യൂ​ട്ട് ന​ട​ത്തി​യ സ​ർ​വേ​യി​ൽ പ​ങ്കെ​ടു​ത്ത​വ​രി​ൽ 52 ശതമാനം പേ​രും മെ​ർ​സി​ന്‍റെ ഭ​ര​ണ​ത്തി​ൽ സം​തൃ​പ്തി രേ​ഖ​പ്പെ​ടു​ത്തി.

ഈ ​വ​ർ​ഷം മേ​യ് ആറിനാ​ണ് ജ​ർ​മ​നി​യു​ടെ പ​ത്താ​മ​ത്തെ ചാ​ൻ​സ​ല​റാ​യി മെ​ർ​സ് അ​ധി​കാ​ര​മേ​റ്റ​ത്. പാ​ർ​ട്ടി നേ​താ​ക്ക​ൾ ഒ​രു​ക്കി​യ ആ​ഘോ​ഷ​ങ്ങ​ൾ​ക്ക് ശേ​ഷം, മെ​ർ​സ് ഭാ​ര്യ ഷാ​ർ​ല​റ്റി​നും മ​ക്ക​ൾ​ക്കും പേ​ര​ക്കു​ട്ടി​ക​ൾ​ക്കു​മൊ​പ്പം സ്വ​കാ​ര്യ​മാ​യി ജ​ന്മ​ദി​നം ആ​ഘോ​ഷി​ച്ചു.

ബ​ര്‍​ലി​ന്‍: ജ​ർ​മ​ൻ ചാ​ൻ​സ​ല​ർ ഫ്രെ​ഡ​റി​ക് മെ​ർ​സ് അ​ധി​കാ​ര​ത്തി​ലേ​റി​യി​ട്ട് 100 ദി​വ​സം തി​ക​ഞ്ഞു. മേ​യി​ലാ​ണ് ജ​ർ​മ​നി​യു​ടെ പു​തി​യ ചാ​ൻ​സ​ല​റാ​യി ക്രി​സ്ത്യ​ൻ ഡെ​മോ​ക്രാ​റ്റി​ക് യൂ​ണി​യ​ൻ (സി​ഡി​യു) നേ​താ​വ് മെ​ർ​സ് സ്ഥാ​ന​മേ​റ്റ​ത്.

അ​തേ​സ​മ​യം, ക​ന​ത്ത വെ​ല്ലു​വി​ളി​ക​ളാ​ണ് മെ​ർ​സ് ഭ​ര​ണ​കൂ​ടം നേ​രി​ടു​ന്ന​ത്. ക്ര​മ​ര​ഹി​ത​മാ​യ കു​ടി​യേ​റ്റം ത​ട​യു​ന്ന​തി​നും വി​ദേ​ശ​ന​യം മെ​ച്ച​പ്പെ​ടു​ത്തു​ന്ന​തി​നും സ​ർ​ക്കാ​ർ ശ്ര​മി​ക്കു​മ്പോ​ഴും ഭ​ര​ണ​മു​ന്ന​ണി​യി​ൽ വി​ള്ള​ലു​ക​ൾ പ്ര​ക​ട​മാ​ണ്.

ഗാ​സ​യി​ലെ യു​ദ്ധ​ത്തി​ൽ ഉ​പ​യോ​ഗി​ക്കാ​നി​ട​യു​ള്ള ആ​യു​ധ​ങ്ങ​ൾ ഇ​സ്ര​യേ​ലി​ന് ന​ൽ​കു​ന്ന​ത് താ​ത്കാ​ലി​ക​മാ​യി നി​ർ​ത്തി​വ​യ്ക്കാ​നു​ള്ള മെ​ർ​സി​ന്‍റ തീ​രു​മാ​നം ഏ​റെ വി​മ​ർ​ശ​ന​ങ്ങ​ൾ​ക്ക് ഇ​ട​യാ​ക്കി​രു​ന്നു. പാ​ർ​ട്ടി​യി​ൽ​പ്പോ​ലും മു​ൻ​കൂ​ട്ടി ച​ർ​ച്ച ചെ​യ്യാ​തെ​യാ​ണ് മെ​ർ​സ് ഈ ​തീ​രു​മാ​ന​മെ​ടു​ത്ത​ത്.

ഇ​സ്രാ​യേ​ലി​ന് മേ​ൽ ഭാ​ഗി​ക ആ​യു​ധ ഉ​പ​രോ​ധം ഏ​ർ​പ്പെ​ടു​ത്തി​യ​തി​നെ അ​ദ്ദേ​ഹം ന്യാ​യീ​ക​രി​ക്കു​ക​യും ചെ​യ്തു. റ​ഷ്യ​യ്ക്കെ​തി​രാ​യ യു​ദ്ധ​ത്തി​ൽ യു​ക്രെ​യ്നെ പൂ​ർ​ണ​മാ​യി പി​ന്തു​ണ​യ്ക്കാ​നു​ള്ള സ​ർ​ക്കാ​രി​ന്‍റെ നീ​ക്ക​ത്തി​ലും ജ​ന​ങ്ങ​ൾ​ക്കി​ട​യി​ൽ അ​തൃ​പ്തി​യു​ണ്ട്.

ഇ​ത് തീ​വ്ര വ​ല​തു​പ​ക്ഷ പാ​ർ​ട്ടി​യാ​യ ആ​ൾ​ട്ട​ർ​നേ​റ്റീ​വ് ഫോ​ർ ജ​ർ​മ​നി​യു​ടെ(​എ​എ​ഫ്‌​ഡി) വ​ള​ർ​ച്ച​യ്ക്ക് കാ​ര​ണ​മാ​യി. എ​എ​ഫ്‌​ഡി​യു​ടെ വോ​ട്ട് വി​ഹി​തം ഇ​ര​ട്ടി​യാ​യി വ​ർ​ധി​ക്കു​ക​യും ഓ​ഗ​സ്റ്റി​ൽ ന​ട​ന്ന ഒ​രു സ​ർ​വേ​യി​ൽ അ​വ​ർ ഭ​ര​ണ​ക​ക്ഷി​യാ​യ സി​ഡി​യു - സി​എ​സ്‌​യു​വി​നേ​ക്കാ​ൾ മു​ന്നി​ലെ​ത്തു​ക​യും ചെ​യ്തി​രു​ന്നു.

ഇ​ത്ത​രം വെ​ല്ലു​വി​ളി​ക​ളെ​യെ​ല്ലാം മെ​ർ​സ് എ​ങ്ങ​നെ ത​ര​ണം ചെ​യ്യു​മെ​ന്നാ​ണ് രാ​ഷ്‌​ട്രീ​യ നി​രീ​ക്ഷ​ക​ർ‌ ഉ​റ്റു​നോ​ക്കു​ന്ന​ത്.